Nóvemberkaktus er auðveldur og þakklátur stöngulkaktus, sem blómstrar í 1-2 mánuði.  Nóvemberkaktus blómstrar ár eftir ár og verður oft stór og mjög fallegur, alþakinn bleikum eða hvítum blómum. Hann nýtur sín vel á borði, í glugga og sérstaklega vel á blómasúlu nálægt glugga.

Eftir blómgun þarf að hvíla plöntuna.  Það er gert með því að minnka verulega vökvun.  Liðirnir mega þó alls ekki skorpna.  Á vorin þarf að skipta um mold á honum og auka vökvunina. Hann vex mikið á sumrin og eftir vaxtartímabilið er vökvunin minnkuð aftur þar til blómknúppar fara að sjást.

Birta:  Svolítil sólarglæta sakar ekki, en vægur skuggi er æskilegri.

Hiti:  Meðalhiti nótt (10-16°C) svalt og þurrt frá september og þartil blómhnappar sjást.