Fjölskyldudagur verður í Garðheimum laugardaginn 20.nóvember kl. 13-16.  Eitthvað fyrir alla fjölskyldumeðlimi.

Fyrir börnin á Spírunni 2.hæð:   jólakortagerð og teiknimyndasamkeppni um fallegustu jólamyndina.  Garðheimar senda kortið frítt ef börnin vilja!   Kl. 14:30 verður upplestur úr barnabók „Maximús músikús trítlar í tónlistarskólann“ eftir Hallfríði Ólafsdóttur, höfundur les úr bókinni og „músin“ dansar við lagið sitt.

Í gróðurskálanum verður kennsla í hvernig á að vefja grenikrans, sem hægt er svo að vinna úr hurðakrans eða aðventukrans eftir því sem hver vill.  Í ljósadeildinni verður ráðgjöf um val á réttu jólaseríunni.   Í blómabúðinni verður sýnikennsla og hugmyndir um gerð aðventuskreytinga

Nýbakaðar Sörur, barnaís og súkkulaðikaka á hagstæðu verði á boðstólum í Spírunni.  Einnig fullt af góðum tilboðum sem tengjast árstímanum.   Allir velkomnir!