Vöxtur: Vex hægt, venjulega aðeins 10-15 cm á ári.
Birta: Ef plantan á að halda litnum, þá verður að skýla henni fyrir sterkasta sólskininu.
Hitastig: Þrífst í tiltölulega miklum hita 18-21°C. Mesti sumarhiti 24°C, en þolir niður í 13°C.
Vökvun: Töluverð á sumrin 1-2 í viku, en aðeins 1 sinni í viku á veturna. Plantan má ekki standa í vatni og heldur ekki þorna alveg.
Áburður: Hálfsmánaðarlega á sumrin.
Vaxtarskilyrði: Plantan hefur gott af úðun 2 í viku, þó ekki ef hún stendur í sól. Þurrkið af blöðunum með rökum klút. Nota má blómbón en ekki oftar en annan hvern dag. Plantan er frekar harðgerð við flest skilyrði, en þolir ekki kaldan súg.
Umpotta skal helst að vori en aðeins annað eða þriðja hvert ár. Afrennsli verður að vera gott úr pottinum. Snyrta má dauð eða skemmd blöð, með þvi að skáskera við lifandi vef.